نصـــــائح مــــــــــــطبخيه

:s3d37:المشكلة الأولى
زيادة الملح في الطعام
ساعات وإنتِ بتطبخوا والأكل لسه على البوتاجاز بعد ما تحطي الملح وتدوقوا الأكل تلاقوا إن الأكل طلع ملحه كتير .. طبعا بتزعلوا وبتبقوا مش عارفين تعملوا إيه بالرغم من إن الحل بسيط جدا وكل الحكاية إنكوا والأكل لسه على النار تجيبوا بصلة وتقشروها وتقطعوها إلى قطع صغيرة جدا وتحطوها في الحلة اللي فيها الأكل ده وهي هتمتص أي ملح زيادة.

:s3d37::s3d37:المشكلة التانية
دموع البصل
أكيد لو سألت أي بنت وقلتِ ليها إيه هي الحاجة اللي مش بتحبيها في المطبخ هتقول لك على طول البصل لأنه بيسبب دموع وحرقان في العين...

والحل هو إنكوا تحطوا البصل قبل ما تنظفوه في حلة فيها مية لمدة نصف ساعة وبعد كده هاتوه ونظفوه وقطعوه وإن شاء الله مش هيبقى فيه دموع نهائي.. دي طريقة، وفيه طريقة تانية وهي إنكوا تحطوا البصل بعد ما تقشروه في الفريزر لمدة نصف ساعة.

:s3d37:المشكلة الثالثة
تغير لون الفاكهة أو الخضار
دي حاجة كلنا عارفينها وهي إن فيه أنواع من الخضار لونها بيتغير بسرعة وبيسود بعد ما بتتقشر زي البطاطس والباذنجان، وحل الموضوع ده إنكوا تقشروا البطاطس وتقطعوها وتحطوها في مية بملح ونفس الشيء مع الباذنجان الأسود.

أما بالنسبة للفاكهة زي الموز أو التفاح فياريت إنكوا تضيفوا ليهم عصير الليمون على طول علشان لونهم مايتغيرش .